Maja e Hajles

Të Nderuar Miq,

Klubi Alpin Prishtina Ju fton të merrni pjesë në ecjen bjeshkatare të së dielës, me qëllim vizitën në Bjeshkët e Koshutanit dhe ngjitjen në Majën e Hajles në Bjeshkët e Rugovës, afër kufirit me Malin e Zi.

Detajet e Organizimit dhe Rezervimit:
Nisja e Saktë: e Diel, 30.06.2019 / ora 07:00
Vendi i Nisjes: Para parkingut të RTV 21
Lloji i Transportit: Me Autobus
Participimi për pjesëmarrje:
Ata që rezervojnë në autobus: 10 € (për person)
Ata që vijnë me vetura private: 5 € (për person)
Afati i Fundit për Rezervim: E Shtunë

Si të Rezervoni:
Preferohet me E-mail (alpineclubprishtina@gmail.com); (www.facebook.com/KlubiAlpin/) ose në Tel:+ 383 44 312 744 (SMS, Viber).E dërgoni Emrin-at / Mbiemrin-at; dhe e prisni konfirmimin.
Vëmendje: Në rast të plotësimit të parakohshëm të numrit të ulëseve në autobus, ndërprehet rezervimi; dhe nga shpallja e njoftimit, mund të na bashkoheni vetëm me vetura private.

Detajet e Shtegut (T1 dheT2):
Lartësia: 2403 m/lmd
Vendndodhja: Bjeshkët e Nemuna, Gryka e Rugovës
Tereni: T1 dhe T2; Shteg i dukshëm livadhor; ngjitje graduale dhe natyrë tipike bjeshkatare
Kohëzgjatja e Ecjes: 6 orë
Gjatësia e Shtegut:Gjithsej 15 km
Pajisjet: Merrni ushqim ditor dhe ujë/ këpucë të përshtashme, kapelë/shami për mbrojtje nga dielli.

Informata shtesë:
Kjo ecje i dedikohet projektit dhe bashkëpunimit në mes kap dhe fiq, në kuadër të thirrjes ‘Sign for Impact’ dhe si e tillë konsiderohet fushatë për ngritje fondesh.

Maja e Hajles gjendet në Bjeshkët e Nemuna , në veri-perëndim të Kosovës, dhe i përket regjionit të Komunës së Pejës. Është maje markante dhe do të ngjitemi nëpërmes Bjeshkës të Koshutanit (Jug). Ecja do të zhvillohet nëpër Bjeshkët e Rugovës, ndërsa nga Hajla do kemi mundësi ti shohim bjeshkët e Rozhajës, Andrijevicës, Kollashinit në Veri; si dhe ato të Deçanit në Jug. Në Kthim do bëhet një pushim kafeje në njërin nga resoret turistike në afërsi.

Ju lutemi, lajmërohuni me kohë, që të organizohet më lehtë transporti.

Udhërrëfyes: Nazmi Hasanramaj
Ndihmës: Ekipi i K.A.P.

KAP-i Ju dëshiron vikend të këndshëm,